"Барселона" "Бавария" вингери Лерой Санега қизиқиш билдирмоқда, дея хабар беради Испаниянинг El Chiringuito TV нашри.
Нашрнинг ёзишича, вингернинг каталонияликлар жамоасига олиб келиш Хавининг ёзги трансфер ойнаси олдидаги асосий талабларидан биридир. Олдинроқ "Барселона" президенти Жоан Лапорта Хави келаси мавсумда жамоада қолишини айтганди.
Каталония клуби раҳбарияти "Бавария" раҳбарлари билан телефонда футболчининг эҳтимолий трансфери ҳақида гаплашган, аммо мюнхенликлар "Барселона"дан расмий таклиф олмаган.
28 ёшли германиялик футболчининг "Бавария" билан шартномаси 2025 йилнинг ёзига қадар мўлжалланган. Нашрнинг ёзишича, футболчи клуб билан шартномани янгилашни истамаяпти, шу боис “Барселона” раҳбарияти футболчини 40-50 миллион суммага сотиб олишни кутмоқда.
Жорий мавсумда Сане мюнхенликлар сафида 39 та ўйинда майдонга тушиб, 9 та гол урди ва 12 та голли узатмани амалга оширди.
