"Аякс" бош мураббийлик учун 3 нафар номзоддан иборат қисқа рўйхатни тузди.

Рўйхатда аввалроқ клубни бошқарган Эрик тен Хаг, шунингдек, “Челси”нинг собиқ устози Грэм Поттер ва “Ницца”ни бошқараётган Франческо Фарьоли ҳам бор.

Тен Хагнинг қайтиши мақбул вариант сифатида қаралмоқда, чунки у ёзда "МЮ"ни тарк этиши мумкин.

Бироқ шу ой бошида “Аякс” билан музокара ўтказган Грэм Поттер асосий номзод сифатида кўрилмоқда. Бироқ ўтган йили “Челси”дан четлатилганидан бери ишсиз бўлган 48 ёшли мутахассис янада каттароқ таклифларни кутиш ниятида. Хусусан, у "Юнайтед"да тен Хаг ўрнига даъвогарга айланиши мумкин.

Нидерландияликларнинг эътиборини тортган 35 ёшли Фарьоли бу мавсумда Европанинг энг ёрқин ёш мураббийларидан бири саналади, унинг "Ницца" жамоаси Лига1 да Чемпионлар лигасига чиқиш учун курашмоқда;