"Ayaks" bosh murabbiylik uchun 3 nafar nomzoddan iborat qisqa ro‘yxatni tuzdi.

Ro‘yxatda avvalroq klubni boshqargan Erik ten Xag, shuningdek, “Chelsi”ning sobiq ustozi Grem Potter va “Nissa”ni boshqarayotgan Franchesko Faryoli ham bor.

Ten Xagning qaytishi maqbul variant sifatida qaralmoqda, chunki u yozda "MYU"ni tark etishi mumkin.

Biroq shu oy boshida “Ayaks” bilan muzokara o‘tkazgan Grem Potter asosiy nomzod sifatida ko‘rilmoqda. Biroq o‘tgan yili “Chelsi”dan chetlatilganidan beri ishsiz bo‘lgan 48 yoshli mutaxassis yanada kattaroq takliflarni kutish niyatida. Xususan, u "Yunayted"da ten Xag o‘rniga da’vogarga aylanishi mumkin.

Niderlandiyaliklarning e’tiborini tortgan 35 yoshli Faryoli bu mavsumda Yevropaning eng yorqin yosh murabbiylaridan biri sanaladi, uning "Nissa" jamoasi Liga1 da Chempionlar ligasiga chiqish uchun kurashmoqda;