"Атлетик" футболчиси "Атлетико" билан ўйинда ирқчиликка учради.
Жамоалар Ла Лиганинг 33-туридан ўрин олган (3:1) ўйинда тўқнаш келишди.
Биринчи бўлим охирида Нико Уильямсга нисбатан ирқчи ҳақоратлар туфайли ўйин икки дақиқага тўхтатилди - "Атлетико" мухлислари басклар клуби вингерини "маймун" деб аташди.
Мадридлик футболчилар Антуан Гризманн ва Коке мухлисларни ҳақоратларни бас қилишга чақирди.
Тез орада "Атлетико" ўз мухлисларининг хатти-ҳаракатларини қоралади. "Атлетико Мадрид ҳар қандай ирқчилик ёки нафрат кўринишларига қарши", - дейилади Мадрид жамоаси баёнотида.