Криштиану Роналду кетма-кет учта ўйиндан бери гол ура олмаяпти.

Бугун “Ан-Наср” Саудия Арабистони чемпионатининг 29-турида “Ал-Халиж”ни (1:0) Эмерик Лапортнинг голи эвазига мағлуб этди.

Криштиану Роналду бутун ўйинни майдонда ўтказди, аммо самарали ҳаракатлар кўрсатмади. Олдинги икки ўйинда - "Дамак" (1:0) ва "Ал-Ҳилол" (1:2)га қарши ўйинларда ҳам португалиялик гол ура олмаганди. У дисквалификация туфайли “Ал-Файха” билан учрашувни (3:1) ўтказиб юборди.

Умуман олганда, 39 ёшли форвард жорий чемпионатда 26 учрашувда 29 та гол урди ва 10 та голли узатмани амалга оширди. У голли узатма ва голлар бўйича лигада етакчилик қилмоқда.