"Милан" бош мураббийи Стефано Пиоли Италия чемпионатининг 34-туридан ўрин олган "Ювентус"га қарши ўйин (0:0) ҳақида гапирди.

Охирги учрашув натижасига кўра, "қизил-қоралар" рақиб дарвозаси томон бирорта ҳам зарба бера олишмади.

"Ўйлашимча, биз биринчи бўлимда жуда яхши ўйнадик. Ўшанда "Ювентус" кўплаб ҳужумчиларни майдонга туширди ва бизга босим ўтказди, аммо биз катта ирода билан ҳимояландик, чунки мағлубиятдан қочиш яхши натижа бўлишини билардик", - деди Пиоли Football Italia билан суҳбатда.

Айни вақтда "Милан" 70 очко билан турнир жадвалида иккинчи ўринда бормоқда. "Ювентус" 3-ўринда (65).

Кейинги турда "россонерилар" ўз уйида "Женоа"га, Турин клуби эса сафарда "Рома"га қарши баҳс олиб боради. Ҳар икки ўйин 5 май куни бўлиб ўтади.