Бразилия ва Италия терма жамолари ўртасидаги учрашув ўз ниҳоясига етди. Учрашув мухлисларга ҳақиқий футбол завқини бера олди.

Биринчи таймни Италия терма жамоаси фаоллик билан бошлади, лекин омад Бразилия томонда бўлди.

Дастлаб Фред ҳисобни очди. Неймар тўпни ҳаволатиб жарима майдончасига етказиб берди. Ҳимоячилар тўпни қайтармоқчи бўишди, лекин уни эгаллаб олган Фред Буффон қўриқлаётган дарвозанинг яқин бурчагини аниқ нишонга олди — 1:0.

Иккинчи гол ҳам ўзини узоқ куттириб қўймади. Майдон марказига яқин жойда Неймар тўпни эгаллаб олди ва Оскар билан комбинация уюштирб олди. Жарима майдончасига кираётиб эса Оскарни дарвозабон билан дуелга юборди. Бу ҳолатдан «Челси» ҳужумчиси унумли фойдаанди — 2:0. Шу тариқа жамоалар Бразилиянинг ҳисобдаги устунлиги билан танаффусга чиқишди.

Иккинчи бўлимда эса бутунлай бошқача ўйинга гувоҳ бўлдик. Бразилия биринчи таймдаги каби қарши ҳужумларга ўтмай қолди ва Италиянинг устунлиги ортди. Бу тез орада самара берди. Бурчакдан етказиб берилган тўпни Сезар дарвозасига йўллаган Де Росси ҳисобни қисқартирди. Марио Балотелли эса ўзининг ажойиб зарбаси билан мувозанатни тиклади —2:2.

Шундай қилиб ажойиб курашларга бой бўлган учрашув дуранг натижа билан ўз ниҳоясига етди. Буюклар тўқнашувида ғолиб аниқланмади.

Италия – Бразилия 2:2
Голлар: Де Росси (54), Балотелли (57) — Фред (33), Оскар (42).
Италия: Буффон, Де Шильо (Антонелли, 74), Бонуччи, Бардзальи, Джаккерини (Поли, 68), Пирло (Черчи, 46), Маджо, Де Росси (Диаманти, 81), Монтоливо, Освальдо (Эль-Шаарави, 46), Балотелли (Джилардино, 83).
Бразилия: Жулио Сезар, Дани Алвес, Давид Луиз, Данте, Филипе Луис (Марсело, 77), Эрнанес (Л. Густаво, 90), Фернандо, Оскар (Кака, 62), Неймар, Халк (Жеан, 85), Фред (Коста, 69).