"Фиорентина" ҳужумчиси ва гол муаллифи Андреа Белотти Конференция лигаси ярим финали биринчи учрашувида "Брюгге" устидан қозонилган ғалаба (3:2) ҳақида фикр билдирди.
"Брюгге" ажойиб футбол ўйнайдиган яхши жамоа, шунинг учун биз ижобий натижадан хурсандмиз. Жавоб ўйинида осон бўлмаслигини тушунамиз.
Афсуски, биз иккинчи голни ўн киши бўлиб қолганимиздан сўнг ўтказиб юбордик, бу жуда ачинарли бўлди, чунки бунгача назорат бизда эди. Бироқ, шундан сўнг биз ўзимизни қўлга олдик ва қўшиб берилган вақтда ғалабани тортиб олдик", - дея Белотти сўзларини келтиради УЕФА матбуот хизмати.
