"Фулхэм" марказий ҳимоячиси Тосин Адарабиойога Премьер-лиганинг бир қатор нуфузли клублари қизиқиш билдирмоқда.
26 ёшли футболчи мавсум якунида эркин агентга айланади - унинг пойтахтликлар билан шартномаси июнь ойида якунига етади.
Хабар берганимиздек, марказий ҳимоячига “Ливерпуль”, “Манчестер Юнайтед”, “Тоттенхэм” ва “Ньюкасл” клублари қизиқиш билдирмоқда.
Инсайдер Фабрицио Романонинг сўзларига кўра, "Челси" ҳам Адарабиойога қизиқиб қолган. Шунингдек, футболчига ҳозирча ҳеч қандай расмий таклиф тушгани йўқ.