Жорж Лекенснинг фикрича, Тибо Куртуа Евро-2024 да иштирок этиши керак.
Аввалроқ, мавсум давомида бир нечта жароҳат олган "Реал"нинг бельгиялик дарвозабони бўлажак Европа чемпионатида иштирок этмаслигини маълум қилганди.
Бельгия терма жамоаси бош мураббийи Доменико Тедеско апрель ойи охирида бу маълумотни тасдиқлади. Ҳозирча у турнир учун жамоа таркибини эълон қилмаган.
Ҳозирда дарвозабон операциядан тузалиб, ўйин амалиётига қайтди. У 1 июнь куни дортмундликларга қарши Чемпионлар лигаси финалида майдонга тушиши кутилмоқда.
"Биз муроса топишимиз керак. Йирик турнирда ғалаба қозониш учун бизга шундай савиядаги дарвозабон керак.
Бизда яхши дарвозабонлар бор, лекин Куртуа энг кучлиси. Биз сардорлик ҳақида гапиришни тўхтатиб, шунчаки футбол ўйнашимиз керак", - деди Бельгиянинг собиқ мураббийи RTBF телеканалида.
