Jorj Lekensning fikricha, Tibo Kurtua Yevro-2024 da ishtirok etishi kerak.
Avvalroq, mavsum davomida bir nechta jarohat olgan "Real"ning belgiyalik darvozaboni bo‘lajak Yevropa chempionatida ishtirok etmasligini ma’lum qilgandi.
Belgiya terma jamoasi bosh murabbiyi Domeniko Tedesko aprel oyi oxirida bu ma’lumotni tasdiqladi. Hozircha u turnir uchun jamoa tarkibini e’lon qilmagan.
Hozirda darvozabon operasiyadan tuzalib, o‘yin amaliyotiga qaytdi. U 1 iyun kuni dortmundliklarga qarshi Chempionlar ligasi finalida maydonga tushishi kutilmoqda.
"Biz murosa topishimiz kerak. Yirik turnirda g‘alaba qozonish uchun bizga shunday saviyadagi darvozabon kerak.
Bizda yaxshi darvozabonlar bor, lekin Kurtua eng kuchlisi. Biz sardorlik haqida gapirishni to‘xtatib, shunchaki futbol o‘ynashimiz kerak", - dedi Belgiyaning sobiq murabbiyi RTBF telekanalida.