Николас Отаменди ва Хулиан Альварес Аргентина терма жамоаси сафида Олимпиадада иштирок этади.
Жамоа мураббийлар штаби бу футболчиларга умид қилмоқда, дейди журналист Гастон Эдул.
24 ёшли Альварес «Манчестер Сити» билан Премьер-лигада ғолиб чиқди. Лиганинг 36 та учрашувида форвард 11 та гол урди ва 9 та голли узатмани амалга оширди.
36 ёшли ҳимоячи Отаменди "Бенфика"да тўп тепди ва Португалия вице-чемпионига айланди. Ҳар икки футболчи 2022 йилда Қатарда бўлиб ўтган жаҳон чемпионатида Аргентина терма жамоаси сафида қатнашган.
Футбол бўйича 2024 йилги Олимпиада ўйинлари 24 июлдан 10 августга қадар Париж ва Франциянинг яна 6 та шаҳрида бўлиб ўтади.
Эркаклар терма жамоаларида эса 23 ёшгача бўлган футболчилар иштирок этади. Ҳар бир жамоа иштирокида ушбу ёшдан ошган 3 нафар футболчи иштирок этиши мумкин.
Аргентина терма жамоаси Марокаш, Ироқ ва Украина жамоалари билан бир гуруҳдан жой олди.
