Ўзбекистон футзал терма жамоаси бош мураббийи Хосе Венансио Лопес футзал бўйича юртимизда бўлиб ўтадиган жаҳон чемпионати қуръаси ҳақида фикр билдирди.
"Ажойиб, ФИФА Футзал Жаҳон чемпионатлари тарихидаги энг яхши қуръа. Айниқса, маросим ўтказилган манзил ҳайратланарли ва унутилмас атмосферага бой эди. Спорт томонлама айтадиган бўлсам, жуда хурсандман. Гуруҳ босқичида биз учун осон бўлмаслиги аниқ. Барча жамоалар тенг даражада кучга эга. Биз ушбу Жаҳон чемпионатига муносиб тарзда тайёргарлик кўришга ҳаракат қиламиз, айниқса мезбон давлат бўлганимиз учун юқори савияли ўйин кўрсатишимиз керак. Бизнинг мақсадимиз, аввало, гуруҳ босқичидан ўтиш", - деди терма жамоамизнинг испаниялик мураббийи.
