“Ювентус” ниҳоят Суперлига лойиҳасидан воз кечди.

Турин клуби аллақачон Европа клублари ассоциациясига қайта кириш учун ариза топширган. Ташкилот раҳбари, айни пайтда "ПСЖ" президенти ҳисобланган Носир ал-Хелайфий бу ҳақда гапирди.

“Ювентус Европа клублари ассоциациясига қайта қўшилиш учун ариза берганини маълум қилишдан мамнунман.

Бу тез орада расмийлаштирилади. Оиламиз эшиклари жамоавий манфаатларга ишонадиган, прогрессив ислоҳотларга ва барча манфаатдор томонлар билан конструктив ишларга ишонадиган клублар учун доимо очиқ.

“Ювентус” яна Европа футбол оиласига қўшилишидан хурсандмиз”, — деди Ал-Хелайфий. Эслатиб ўтамиз, Суперлига лойиҳасини фақат “Реал” ва “Барселона” очиқ қўллаб-қувватлайди.