“Yuventus” nihoyat Superliga loyihasidan voz kechdi.

Turin klubi allaqachon Yevropa klublari assosiasiyasiga qayta kirish uchun ariza topshirgan. Tashkilot rahbari, ayni paytda "PSJ" prezidenti hisoblangan Nosir al-Xelayfiy bu haqda gapirdi.

“Yuventus Yevropa klublari assosiasiyasiga qayta qo‘shilish uchun ariza berganini ma’lum qilishdan mamnunman.

Bu tez orada rasmiylashtiriladi. Oilamiz eshiklari jamoaviy manfaatlarga ishonadigan, progressiv islohotlarga va barcha manfaatdor tomonlar bilan konstruktiv ishlarga ishonadigan klublar uchun doimo ochiq.

“Yuventus” yana Yevropa futbol oilasiga qo‘shilishidan xursandmiz”, — dedi Al-Xelayfiy. Eslatib o‘tamiz, Superliga loyihasini faqat “Real” va “Barselona” ochiq qo‘llab-quvvatlaydi.