"Манчестер Сити" ҳужумчиси Хулиан Альваресга "ПСЖ" клуби қизиқиш билдирмоқда.
Француз гранди аргентиналик футболчига жиддий эътибор қаратди ва потенциал шартнома шартлари ҳақида маълумот сўраган, дея хабар беради инсайдер Фабрицио Романо. 24 ёшли футболчи "шаҳарликлар"нинг ҳужум марказида ўзининг асосий позициясида тез-тез ўйнамайди, бу эса уни клубини ўзгартириш ҳақида ўйлашга ундаши мумкин.
Transfermarkt портали маълумотларига кўра, Хулиан Альвареснинг нархи 90 миллион еврога тенг. Ўтган мавсумда жаҳон чемпиони Пеп Гвардиола жамоаси сафида 54 та ўйинда 19 та гол урди ва 13 та голли узатмани амалга оширди.
