"Челси" марказий ҳимоячиси Леви Колвилл фаолиятини бошқа клубда давом эттириши мумкин. Журналист Флориан Плеттенберг ўзининг ижтимоий тармоқларида ёзганидек, "Бавария" 21 ёшли футболчининг хизматларига қизиқиш билдирмоқда.
Қайд этилишича, Мюнхен клуби анчадан бери ўзининг қизиқишлари рўйхатида бўлган ёш футболчини ўз сафига қўшиб олишга жиддий ёндашмоқда. Плеттенбергнинг фикрича, мюнхенликлар "Байер" ҳимоячиси Жонатан Тани харид қила олмаса, Колвилл "Бавария" учун энг яхши альтернатив бўлади.
Эслатиб ўтамиз, Колвилл аввалроқ Aнглия терма жамоасининг шу ой Германияда бошланадиган Европа чемпионатида иштирок этадиган таркибига киритилган эди.
