Италия терма жамоаси бош мураббийи Лучано Спалетти ярим ҳимоячи Николо Барелланинг Европа чемпионати бошланиши олдидан ҳолати ҳақида гапирди. Хабарингиз бор, футболчининг соғлиғида муаммолар бор эди.
"Барелла кеча ишлаган, бугун ҳам ишлайди, кейинроқ яна машғулот ўтказади. Олдин ҳам худди шундай муаммога дуч келган, аммо керакли ўйинда майдонга тушганди. Шифокорларнинг фикри жуда муҳим, чунки барча футболчилар доимо ўйнашни хоҳлашади. Кечаги маълумотларга кўра, Барелла ўйнашга тайёр бўлади", - деди Спалетти журналистларга.
15 июнь, шанба куни Италия терма жамоаси Евро-2024 доирасида Албанияга қарши баҳс олиб боради.
