Italiya terma jamoasi bosh murabbiyi Luchano Spaletti yarim himoyachi Nikolo Barellaning Yevropa chempionati boshlanishi oldidan holati haqida gapirdi. Xabaringiz bor, futbolchining sog‘lig‘ida muammolar bor edi.
"Barella kecha ishlagan, bugun ham ishlaydi, keyinroq yana mashg‘ulot o‘tkazadi. Oldin ham xuddi shunday muammoga duch kelgan, ammo kerakli o‘yinda maydonga tushgandi. Shifokorlarning fikri juda muhim, chunki barcha futbolchilar doimo o‘ynashni xohlashadi. Kechagi ma’lumotlarga ko‘ra, Barella o‘ynashga tayyor bo‘ladi", - dedi Spaletti jurnalistlarga.
15 iyun, shanba kuni Italiya terma jamoasi Yevro-2024 doirasida Albaniyaga qarshi bahs olib boradi.
