"Манчестер Сити" ўз ҳимоячиси Серхио Гомесни "Реал Сосьедад"га қанча пул эвазига қўйиб юборишга тайёрлиги маълум бўлди.
Mundo Deportivo хабарига кўра, "шаҳарликлар" 23 ёшли футболчи учун 15 миллион евро сўраган. Қайд этилишича, “Реал Сосьедад” бу суммани номақбул деб ҳисоблайди, бироқ британияликларга бир нечта қизиқарли трансфер вариантларини таклиф қилиши мумкин.
Ўтган мавсумда испаниялик барча турнирларни ҳисобга олган ҳолда 15 ўйин ўтказиб, битта голли узатмани амалга оширган. Гомеснинг "Манчестер Сити" билан шартномаси 2026 йилгача мўлжалланган.