Россия терма жамоаси ФИФАнинг янгиланган рейтингида 35-ўриндан 33-ўринга кўтарилди. Россия жамоаси 1506,58 очкога эга.

7 июнь куни бўлиб ўтган сўнгги ўйинда Валерий Карпин шогирдлари Минскдаги ўртоқлик учрашувида Беларус терма жамоасини 4:0 ҳисобида мағлуб этишди.

ФИФА ва УEФА санкциялари туфайли Россия терма жамоаси 2022 йилдан буён фақат ўртоқлик ўйинлари ўтказмоқда.

Амалдаги жаҳон чемпиони Аргентина терма жамоаси ФИФА рейтингида пешқадамлигини сақлаб қолди (1860,14 балл). Иккинчи ўринда французлар (1837,47), учинчи ўринда бельгияликлар (1797,98).

Кучли бешликда битта ўзгариш бўлди – бразилияликлар (1791,85) тўртинчи ўринга кўтарилди, британияликлар (1787,88) бешинчи ўринга тушиб кетди. 

Эслатиб ўтамиз, Ўзбекистон миллий жамоаси Эрон билан дуранг ўйнаб, ФИФА рейтингида ўз очколарини яна кўпайтирди. Ушбу дуранг туфайли ҳисобимизга 5,06 балл қўшилди.

Бунинг натижасида онлайн рейтингда яна бир поғона кўтарилиб, 62-ўринга чиқиб олдик