Аргентина терма жамоаси бош мураббийи Лионель Скалони жамоадаги футболчиларнинг келажаги ҳақида фикр билдирди.
"Уларнинг қандай машғулот ўтказиши ва ўйнаши, ўзларини вазифага қандай бағишлашларини кузатиш ёқимли. Мен Месси ва Ди Мариянинг келажаги ҳақида қайғурмайман. Улар терма жамоадаги фаолиятини қачон якунлаши ҳақида ўйлашдан маъно йўқ. Келинг, ҳозир улардан завқланамиз ва кейин нима бўлишини кўрамиз. Месси яхши, у бахтли. Америка Кубоги чемпионлигини ҳимоя қилишга уриниш жуда яхши синов", - деди Скалони журналистларга.
Пайшанбадан жумага ўтар кечаси Аргентина терма жамоаси Америка кубогидаги илк ўйинини Канадага қарши ўтказади.
