"Челси" Жон Дюраннинг трансферини рад этмаяпти.
The Telegraph хабарига кўра, "кўклар" 20 ёшли "Астон Вилла" ҳужумчисига қизиқиш билдирмоқда, бироқ шартнома шартлари ҳақида маълумот олгач, тезда ҳаракат қилишга иккиланишмоқда.
Лондон клуби бошқа ҳужумчилар, жумладан, "Хоффенхайм"даги 21 ёшли Максимилиан Байер ва 24 ёшли «Лилл» ҳужумчиси Жонатан Дэвид ҳақида ҳам маълумот қидирмоқда.
Хабарларга кўра, "Челси" лондонликлар академияси орқали чиққан "Борнмут" футболчиси Доминик Соланке вариантини ҳам кўриб чиқмоқда.
Бундан ташқари, Испаниядаги манбалар "Челси"ни "Барселона"нинг 18 ёшли ҳужумчиси Марк Гиу билан боғлашмоқда.
