Англия терма жамоаси ҳимоячиси Люк Шоу машғулотларни тўлиқ давом эттирди, бу ҳақда душанба куни эълон қилинди. Шу билан бирга, футболчининг Евро-2024 доирасидаги навбатдаги Словенияга қарши ўйинда майдонга тушиши ҳозирча аниқ эмас.

Хабарингиз бор, Люк Шоу феврал ойидан бери майдонга тушмаган. Шу билан бирга, ҳимоячи Англия терма жамоасининг Еврога борадиган таркибига киритилди.

Англия терма жамоаси гуруҳ босқичининг икки туридан кейин тўрт очко билан ўз гуруҳида пешқадамлик қилмоқда. Гарет Саутгейт шогирдлари 25 июнь, сешанба куни Словенияга қарши ўйин ўтказади.