"Барселона" раҳбарияти ҳимоячи Рональд Араухони жамоада сақлаб қолмоқчи, дея хабар беради Diario Sport.
Бироқ, клуб уни сақлаб қолиш учун молиявий жиҳатдан катта таклиф бермоқчи эмас. Футболчи яхши маош шартларини хоҳлайди, клуб эса ундан жамоада қолишни истаса, иқтисодий муросага келишни сўрайди.
"Барселона"нинг янги бош мураббийи Ханс-Дитер Флик раҳбариятга Араухонни жамоада олиб қолишни исташини айтгани ҳақида маълумот бор эди.
Рональд 2018 йилнинг ёзида "Бостон Ривер"дан 4,8 миллион евро эвазига “Барселона”га ўтган эди. Жорий мавсумда у 37 ўйинда 1 та гол урди ва 2 та голли узатмани амалга оширди.
