Парагвай терма жамоаси бош мураббийи Даниэль Гарнеро Бразилия терма жамоаси вингери Винисиус Жуниорнинг Америка Кубоги гуруҳ босқичи 2-туридан ўрин олган учрашув (1:4) вақтидаги хатти-ҳаракатларидан норозилигини билдирди.
"Унинг ўйин услуби борки, рақиблар билан келиша олмайди. Аммо бунинг учун ҳакам бор. Ҳакамлар чегараларни белгилаши керак. Винисиус ўзи хоҳлаганча ўйнайди", - деди Гарнеро Marca билан суҳбатда.
Эслатиб ўтамиз, Парагвай - Бразилия ўйинида Винисиус рақиб футболчилари билан бир неча бор тўқнаш келди. 83-дақиқада 23 ёшли ҳужумчи спортга хос бўлмаган хатти-ҳаракатлари учун огоҳлантирилди.
Икки ўйиндан сўнг Бразилия D гуруҳида тўрт очко билан иккинчи ўринда бормоқда.
