Ҳимоячи Маттейс де Лигт яқин келажакда клубини ўзгартириши мумкин. Инсайдер Фабрицио Романонинг ижтимоий тармоқларда хабар беришича, 24 ёшли футболчи аллақачон "Бавария"дан "Манчестер Юнайтед"га ўтиш учун яшил чироқ ёққан.
"Манчестер Юнайтед" ва "Бавария" ҳозирда Де Лигтнинг трансфери бўйича келишув тузиш борасида музокаралар олиб бормоқда. Айтиш жоизки, Де Лигт “Манчестер Юнайтед”да Эрик тен Хаг билан яна бирлашиши мумкин.
Мураббий ва футболчининг йўллари аввалроқ "Аякс"да кесишган. Маттейс де Лигт "Бавария"да икки мавсум давомида 73 та ўйинда майдонга тушиб, 5 та гол урди ва иккита голли узатмани амалга оширди.
