ФИФА президенти Жанни Инфантино германиялик афсонавий ярим ҳимоячи Тони Крооснинг фаолиятини якунлаганига муносабат билдирди.
"Терма жамоа ва клубдаги ёрқин фаолиятингиз билан табриклайман. Бу жаҳон чемпионатидаги ғалаба ва олтита Чемпионлар лигаси ғалабасини ўз ичига олади. Сиз ўз соҳангизнинг ҳақиқий профессионали эдингиз ва мухлисларга кўплаб қувончли ҳис-туйғуларни олиб келдингиз. Ҳаётнинг янги босқичидан роҳатланинг", — дейилади Инфантинонинг ижтимоий тармоқлардаги хабарида.
2024 йилги Европа чемпионати чорак финали доирасидаги Германия ва Испания терма жамоалари ўртасидаги ўйин 34 ёшли ярим ҳимоячи фаолиятидаги сўнггиси бўлди. Немислар 1:2 ҳисобида мағлуб бўлди ва турнирни тарк этди.
