Ўзбекистоннинг янги ёшлар терма жамоаси (U19) БААда ўтаётган "Emirates" кубоги мусобақасининг иккинчи турида ҳам мағлубиятга учради. Алексей Евстафеев жамоаси бу сафар 1-турда Саудия Арабистонидан 0:3 ҳисобида ютқазган Қатарга 0:1 ҳисобида ютқазишди.

Икки кун аввал бўлиб ўтган дастлабки ўйинда ёшларимиз БААга 1:4 ҳисобида имкониятни бой беришганди. Жамоада тартиб-интизом жуда ҳам суст шекилли, ҳар иккала ўйинда Евстафеев жамоасидан бир нафардан футболчи майдондан четлатилди. Умуман олганда, 1995 йилда туғилган футболчилар ўта қўпол ўйин намойиш қилишди. Жамоада ўйин интизоми йўқ, умуман, ўйиннинг ўзи йўқ.

Бугун бўлиб ўтган БАА ва Суадия Арабистони терма жамоалари ўртасидаги баҳсда эса 2:2 ҳисоби қайд этилди.

Демак, Ўзбекистон ёшлар терма жамоаси муддатидан аввал мусобақада сўнгги ўринни банд этиб бўлишди. Евстафеев шогирдлари 13 апрель куни Саудия Арабистони билан баҳс олиб боришади.

1. БАА — 4 очко (6-3)
2. Саудия Арабистони — 4 (5-2)
3. Қатар — 3 (1-3)
4. Ўзбекистон — 0 (1-5)