Лондоннинг “Арсенал” клуби ҳимоячи Якуб Кивиор борасида бир қарорга келди.
Daily Mail нашри маълумотларига кўра, "канонирлар" агар фойдали таклиф тушса, ушбу трансфер ойнасида польшалик футболчини сотишга тайёр. Эслатиб ўтамиз, яқинда Кивиорга Туриннинг “Ювентус” клуби қизиқиш билдирганди.
"Кекса синьора" бош мураббийи Тьяго Мотта аввалроқ польшалик футболчи билан "Специя"да ишлаган ва ўзининг собиқ тарбияланувчиси билан бирлашишга тайёр.
Ўтган мавсумнинг иккинчи ярмида Кивиор тез-тез "Арсенал"нинг асосий таркибида майдонга тушди ва жамоага Премьер-лига чемпионлиги учун охиригача курашишда ёрдам берди. Эслатиб ўтамиз, олтин медаллар якунда “Манчестер Сити”га насиб этди.
