Аргентина терма жамоаси бош мураббийи Лионель Скалони ўз жамоаси Испания терма жамоаси билан тўқнаш келадиган Финалиссимо ҳақида гапирди.
"Менинг оиламда испанлар бор, шунинг учун мен бахтлиман. Бу мамлакат билан алоҳида муносабатдаман, уларнинг жамоаси бош мураббийини яхши биламан. Испаниянинг Евродаги ғалабасидан хурсандман. Биз чиройли жанг ўтказамиз. Ҳозир иккала жамоа ҳам яхши ўйин кўрсатиб, ажойиб даврни ўтказмоқда", - деди Скалони.
Эслатиб ўтамиз, Финалиссимо фақат битта ўйиндан иборат турнир ҳисобланади. У ерда сўнгги Европа чемпионати ва Америка кубоги ғолиблари тўқнаш келишади.
