"Ливерпуль" ёзги трансфер ойнасида ҳимоя чизиғини кучайтиришни режалаштирмоқда.
TodoFichajes нашри хабарига кўра, "мерсисайдликлар" Англия терма жамоаси ҳимоячиси Марк Гехига кўз тикишган. Клуб даражасида 24 ёшли футболчи "Кристал Пэлас" шарафини ҳимоя қилади.
Манбага кўра, "Ливерпуль" бир неча ҳафтадан бери Гехи трансферини муҳокама қилмоқда. Энди Европа чемпионати якунланганидан кейин бу жараён тезлашади. Бироқ, молиявий тафсилотлар ҳали муҳокама қилинмаган.
Transfermarkt портали мутахассислари Марк Гехини 38 миллион еврога баҳоламоқда. Ҳимоячи "Челси" академияси тарбияланувчиси ҳисобланади.
