Аргентина терма жамоаси ҳимоячиси Николас Отаменди Лионель Месси жароҳат олган пайти ўзини қандай тутгани ҳақида гапирди.

"Қўшимча дақиқаларда мураббий режани айтиб ўтаётган пайтда Месси олдимизга келди. У гапирмади.

У мураббийнинг гапларини тинглади ва гапини тугатгандан сўнг мураббийга Лаутаро Мартинесга майдонга киришига рухсат беришини айтди.

У Лаутарога худди ўз устозидек қаради ва гўё унга: “Бугун имтиҳон куни, сиз уни топширишингиз керак”, дегандек.

Лаутаро чиқди, гол урди ва Месси билан бирга нишонлаш учун келди. Биз Америка кубогида ғолиб чиқдик, Лаутаро эса бу кубокни Мессига бағишлади", - деди Отаменди.