Яқинда УEФА расмий сайти Европа чемпионати ярим финалида Франция дарвозасига Ламин Ямалнинг урган голи турнирнинг энг яхши голи деб топилганини эълон қилганди.
Аммо мухлисларнинг овоз бериш жараёни ҳам ҳисобга олинди. Унга кўра Ямалнинг жарима майдончаси ташқарисидан ажойиб зарба билан киритган бу голи иккинчи ўриндан жой олди.
Биринчи ўрин Туркия терма жамоаси аъзоси Мерт Мулдурнинг голига насиб этди. Грузияга қарши ўйинда футболчи жарима майдончаси чизиғидан совуққонлик билан зарба йўллаганди.
Учинчи ўрин эса айнан Грузияга қарши ўйинда киритилган Арда Гюлернинг голига насиб этди - "Реал"нинг иқтидорли ярим ҳимоячиси ўша пайтда тўпни жарима майдончаси ташқарисидан чап бурчакка йўллаб қўйган.
Тўртинчи ўриндан Жуд Беллингемнинг Словакия дарвозасига акробатик услубда урган голи жой олди.
Кучли бешликка Швейцария ва Шотландия терма жамоалари ўртасидаги учрашувда Жердан Шакирининг урган голи якун ясади.
