Франция президенти Эммануэль Макрон мамлакатда янги ҳукуматни Олимпиада ўйинлари якунланмагунча тайинламайди.

30 июнь ва 7 июль кунлари Францияда икки турдан иборат навбатдан ташқари парламент сайловлари бўлиб ўтди.

Сайловнинг иккинчи босқичи натижасида "Халқ фронти" чап партиялар иттифоқи парламентда 182 ўрин, Эммануэль Макроннинг "Уйғониш" президентпараст кучлари блоки ҳамда иттифоқчи "МоДем" ва "Хоризонтлар" 168 ўринга эга бўлди.

Франция президенти France 2 телеканалига берган изоҳида август ойининг ўрталарига қадар янги ҳукуматни тайинлаш нияти йўқлигини ва “мамлакат бор эътиборини Олимпиада ўйинларга қаратиши кераклигини" тасдиқлади.

2024 йилги Олимпиада 26 июлдан 11 августгача бўлиб ўтади.