"Ювентус" вингери Матиас Соуле "Рома" футболчисига айланади, деб хабар бермоқда инсайдер Фабрицио Романо.

Манбага кўра, "Ювентус" унинг учун 26 миллион евро олади, бу кафолатланган сумма. Клуб яна 4 миллионни бонус сифатида олиши мумкин.

2 миллион осон эришиладиган бонуслар сифатида баҳоланади, қолган 2 миллиони эса қийинроқ. Бундан ташқари, "кекса синьора" футболчининг кейинги сотуви суммасининг 10 фоизини олиш ҳуқуқига эга.

21 ёшли аргентиналик футболчининг шартномаси 5 йилга мўлжалланган. Ўтган мавсумда Матиас "Фрозиноне"да ижара асосида ўйнади.

39 та ўйинда у 11 та гол урди ва 3 та голли узатмани амалга оширди ва клуб тарихида А Серияда бир мавсумда 10+ гол урган биринчи футболчига айланди.