Чоршанба оқшомида Лондоннинг “Арсенал” жамоаси Германия чемпиони “Байер”га қарши ўртоқлик учрашуви ўтказди.
"Канонирлар" йирик ҳисобда ғалаба қозонишди - 4:1. Ўйин бошида бор-йўғи икки дақиқа ичида "Арсенал" иккита гол урди. Голларга Александр Зинченко ва Леандро Троссард муаллифлик қилишди. Биринчи бўлим тугаши арафасида лондонликлар Габриэль Жезуснинг зарбаси эвазига устунликни 3:0 кўринишига келтиришди. 65-дақиқада эса Кай Хаверц ўзининг собиқ жамоаси дарвозасига гол урди.
Леверкузенликлар бунга фақат битта гол билан жавоб қайтаришди. 76-дақиқада Адам Гложек "Арсенал" дарвозасини ишғол қилди.
