«Аякс» Европа лигасининг 3-саралаш босқичида «Панатинаикос»ни мағлуб этди.

Жавоб ўйинида амстердамликлар Греция клубига ютқазди (0:1), аммо пенальтилар сериясида ғалаба қозонди – 13:12 (биринчи ўйин – 1:0).

Умуман олганда, жамоалар 34 марта нуқтадан зарба беришди - бу Европа мусобақалари тарихидаги энг узун серия.

Эътиборлиси, пайшанба куни Трнаванинг «Висла» ва «Спартак» клублари Конференция лигасининг 3-саралаш босқичи жавоб ўйинидан сўнг пенальтилар сериясида (12:11 польяклар фойдасига) жами 28 та зарбани амалга оширишганди (3:1, биринчи ўйин – 1:3).