Лондоннинг "Челси" клуби "Манчестер Юнайтед"нинг 24 ёшли вингери Жейдон Санчога қизиқиш билдирмоқда, деб хабар беради Fussball News.
Манбага кўра, лондонликлар "МЮ"га трансфер нархини тўлашга, шунингдек, ўз академиясидан икки нафар футболчини қўшиб беришга тайёр. Шу билан бир қаторда, "Челси" Санчони сотиб олиш ва унинг маошини қоплаш мажбурияти билан ижарага олишга тайёр.
Ўтган мавсумнинг биринчи ярмида Санчо "манкунианликлар" бош мураббийи Эрик тен Хаг билан можаро туфайли асосий жамоадан четлатилган эди. Иккинчи даврада эса Дортмунднинг "Боруссия" клубида ижара асосида ўйнади. Бу даврда у барча турнирларда 21 та учрашувда қатнашиб, учта гол ва учта голли узатмани амалга оширган.
Футболчининг инглиз клуби билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 30 миллион еврони ташкил қилади.
