"Барселона" бош мураббийи Ханс-Дитер Флик матбуот анжуманида унинг жамоаси Испания чемпионатида "Реал" билан рақобатлаша оладими, деган саволга жавоб берди.
“Мен бу саволга аллақачон жавоб берганман. Бизда сифат юқори, футболда ҳаммаси ғалаба қозонишинг ёки мағлуб бўлишингга боғлиқ. Ҳар бир ўйинга тайёргарлик кўрамиз.
Қўлимдаги футболчилардан мамнунман. Мен клубга ишонаман ва жамоа кўрсатаётган нарсадан мамнунман. Жароҳатланганлар қайтиб келгач, биз яхши ва кучли жамоа бўлиб қолишимизга ишонаман", - дея Флик сўзларини келтирмоқда Mundo Deportivo.
