Мадриднинг «Реал» клуби юлдузли ҳужумчиси Килиан Мбаппе Испания Ла Лигаси 32-тури доирасида Севильянинг «Бетис» жамоасига қарши кеча бўлиб ўтган баҳсни охиригача етказа олмади. Франциялик футболчи жароҳат олди ва учрашув якунида майдонни тарк этди.

«Қироллик клуби» берган маълумотга кўра, 27 ёшли ҳужумчининг чап оёғи сонининг орқа мушакларида зўриқиш аниқланган.

Эслатиб ўтамиз, «Бетис» ва «Реал» ўртасидаги баҳс 1:1 ҳисобидаги дуранг билан якунланди. Жорий мавсумда Мбаппе «қаймоқранглилар» сафида 41 та ўйинда иштирок этиб, 41 та гол урди ва олтита голли узатмани амалга оширди.