Madridning «Real» klubi yulduzli hujumchisi Kilian Mbappe Ispaniya La Ligasi 32-turi doirasida Sevilyaning «Betis» jamoasiga qarshi kecha bo‘lib o‘tgan bahsni oxirigacha yetkaza olmadi. Fransiyalik futbolchi jarohat oldi va uchrashuv yakunida maydonni tark etdi.
«Qirollik klubi» bergan ma’lumotga ko‘ra, 27 yoshli hujumchining chap oyog‘i sonining orqa mushaklarida zo‘riqish aniqlangan.
Eslatib o‘tamiz, «Betis» va «Real» o‘rtasidagi bahs 1:1 hisobidagi durang bilan yakunlandi. Joriy mavsumda Mbappe «qaymoqranglilar» safida 41 ta o‘yinda ishtirok etib, 41 ta gol urdi va oltita golli uzatmani amalga oshirdi.
