"Челси" ҳужумчиси Кристофер Нкунку янги мавсумдан умидлари билан ўртоқлашди.

Эслатиб ўтамиз, франциялик футболчи турли жароҳатлар туфайли олдинги мавсумнинг аксарият қисмини ўтказиб юборганди.

"Бу мавсумдаги мақсадим – ўйнаш ва ўзимга бўлган ишончни ортириш. Биламанки, агар мен бахтли ва ўз танамга ишончим комил бўлса, мен нимага қодир эканлигимни кўрсатишим мумкин. Бунга ҳеч қандай шубҳам йўқ", - деди Нкунку "Челси" расмий сайтига.

Нкунку ўтган мавсумда Англия Премьер-лигасида 11 учрашувда 3 та гол уришга муваффақ бўлди. Франциялик футболчи ўтган ёзда "Лейпциг"дан 60 миллион евро эвазига "Челси"га ўтган эди.