Аргентина президенти Хавьер Милей атроф-муҳит фаоллари томонидан Ибицадаги уйига қилинган ҳужумдан сўнг миллий терма жамоа ҳужумчиси Лионель Мессига ҳамдардлик билдирди.
Бир неча кун олдин Бильбаодаги экологик ташкилотнинг уч нафар вакили Мессининг уйини бўяб кетишди.
"Ушбу қўрқоқ ва адашган воқеалар муносабати билан Месси оиласи билан бирдамлигимни билдираман. Мен Испания ҳукуматидан Аргентина фуқароларининг хавфсизлигини кафолатлашни сўрайман", — деб ёзган Милей.
Ҳужумнинг мақсади "бойларнинг эътиборини иқлим инқирозига қаратиш" эди.
Ушбу ҳужумни уюштирган жиноятчилар қўлга олинди.
