Англия Премьер-лигасининг 1-тури доирасида “Манчестер Сити” сафарда “Челси”ни мағлуб этди.

"Стэмфорд Бриж"да "шаҳарликлар" жавобсиз иккита гол уришди - голларга Эрлинг Холанд ва Матео Ковачич муаллифлик қилишди. Родри жароҳати туфайли ўйинда иштирок эта олмади, аммо бу сафар Хосеп Гвардиола шогирдлари усиз ҳам муваффақиятга эришди.

City Xtra хабарига кўра, 2022 йилнинг февралидан бери биринчи марта "Манчестер Сити" испаниялик ярим ҳимоячисиз Премьер-лигада сафарда ғалаба қозонди. Икки ярим йил аввал Родри жамоадошлари муҳмонда “Норвич”ни мағлуб этганини (4:0) захира ўриндиғидан кузатган эди. Ўшандан бери "Челси" билан учрашувгача бундай нарса бўлмаган.