Мадриднинг "Реал" клуби бошқарувчиси Карло Анчелотти франциялик Килиан Мбаппенинг марказий ҳужумчи позициясидаги ўйини ҳақида фикр билдирди. Ла Лиганинг дастлабки икки турида Мбаппе гол ура олмади.
"Унинг ҳозирги позицияси Килианнинг жамоага ҳисса қўшишига тўсқинлик қиладими? Мен бундай деб ўйламайман. Мбаппе ажойиб ҳужумчи, у яхши тезликка эга ва тўпсиз ҳам ҳаракат қила олади. Бу позицияда у аввалгидек гол уради. Менимча, уни қанотга ўтказишнинг кераги йўқ. У гол уради", - деди ESPN билан суҳбатда.
Мбаппе шу ёзда "Қироллик клуби"га ўтиб, беш йиллик шартнома имзолади.
