"Челси" дарвозабони Кепа Арисабалага фаолиятини "Борнмут"да давом эттиради, деб хабар бермоқда журналист Фабрицио Романо ижтимоий тармоқда.
Қайд этилишича, дарвозабон жорий мавсумни сотиб олиш ҳуқуқига эга бўлмаган Англия жамоаси таркибида ижарада ўтказади, айни пайтда у "кўклар" билан шартномасини 2026 йилнинг ёзига қадар узайтиргани хабар қилинган. Аввалги келишув жорий мавсум охиригача амалда эди.
Ўтган мавсумда 29 ёшли футболчи "Реал"да ижара асосида ўйнади. У барча турнирларда 20 та ўйинда қатнашиб, ўз дарвозасидан 18 та гол ўтказиб юборган ва 9 марта ўз дарвозаси дахлсизлигини сақлаб қолган.
