"Chelsi" darvozaboni Kepa Arisabalaga faoliyatini "Bornmut"da davom ettiradi, deb xabar bermoqda jurnalist Fabrisio Romano ijtimoiy tarmoqda.
Qayd etilishicha, darvozabon joriy mavsumni sotib olish huquqiga ega bo‘lmagan Angliya jamoasi tarkibida ijarada o‘tkazadi, ayni paytda u "ko‘klar" bilan shartnomasini 2026 yilning yoziga qadar uzaytirgani xabar qilingan. Avvalgi kelishuv joriy mavsum oxirigacha amalda edi.
O‘tgan mavsumda 29 yoshli futbolchi "Real"da ijara asosida o‘ynadi. U barcha turnirlarda 20 ta o‘yinda qatnashib, o‘z darvozasidan 18 ta gol o‘tkazib yuborgan va 9 marta o‘z darvozasi daxlsizligini saqlab qolgan.
