«Manchester Yunayted» Madridning «Real» klubining bir yo‘la ikki yarim himoyachisi — Orelyen Tchuameni va Eduardo Kamavingaga qiziqish bildirmoqda.
Angliya grandi anchadan beri har ikkala fransuz uchun da’vogarlar qatorida tilga olinmoqda. Transfer News Live nashrining ElNacional'ga tayanib xabar berishicha, «qizil iblislar» ushbu yozda «qaymoqranglilar»ning ikki xavbeki bilan shartnoma imzolash imkoniyatini ko‘rib chiqmoqda. «Real» futbolchilarning sotuvidan umumiy hisobda 150 million yevroga yaqin mablag‘ ishlab olishni rejalashtirmoqda — yig‘ilgan mablag‘ «Manchester Siti»dan Rodri transferini yopishga yordam beradi.
Tchuameni va Kamavinga Madridda qolishni afzal ko‘rishlari taxmin qilinmoqda, ammo «Manchester Yunayted»ning qiziqishi aniq va jiddiy tus olsa, vaziyat o‘zgarishi mumkin.
