"Челси" "Наполи" ҳужумчиси Виктор Осимхенни ўз сафига қўшиб олишга ҳаракат қилмоқда. Лондонликлар футболчига йилига 8 миллион евро маош таклиф қилишган, аммо нигериялик ҳужумчи бунга рози бўлмаган.
"Челси" вакиллари Неаполга учиб кетишди ва музокараларни давом эттириб, Осимхенни ишонтиришга ҳаракат қилишмоқда. Аввалроқ "Наполи" форвардни "Ал-Аҳли”"га 75-90 миллион евро эвазига трансфер қилишга рози бўлгани, бироқ Виктор Осимхен бундан мамнун эмаслиги ҳақида хабар берилганди. У Англияда ўйнашни хоҳлайди.
25 ёшли футболчининг шартномаси 2026 йилнинг ёзига қадар мўлжалланган. Ўтган мавсумда Виктор Осимхен 32 учрашувда қатнашиб, 17 гол урган.
